პსჟ-ის მთავარმა მწვრთნელმა, ლუის ენრიკემ, გუნდის მიერ პენალტების დაბალ რეალიზაციაზე ისაუბრა.
მიმდინარე სეზონში პარიზელებმა ყველა ტურნირზე 10-დან მხოლოდ 5 თერთმეტმეტრიანი გაიტანეს, ბოლო სამი მცდელობა კი საერთოდ ვერ გამოიყენეს.
ბოლო ასეთი შემთხვევა ლე ავრთან მატჩში (1:0) დაფიქსირდა, როდესაც თერთმეტმეტრიანი ნიშნულიდან დეზირე დუემ ვერ გაიტანა.
„საკმაოდ რთულ სიტუაციაში ვართ. ნორმალური არ არის, როდესაც ასეთ აშკარა მომენტებს ვანიავებთ. ჩვენ ბევრი ფეხბურთელი გვყავს, რომლებსაც პენალტის დარტყმა შეუძლიათ, ამიტომ ფორვარდების როტაციას გავაგრძელებთ.
მიხარია, რომ პენალტების სერიები მოვიგეთ — კარგი მეკარეები და კარგი თავდამსხმელები გვყავს, თუმცა ამის პარალელურად, თამაშის დროს პენალტებს ვერ ვიყენებთ“. — აღნიშნა ესპანელმა.
