"ესე იგი ჩემპიონთა ლიგის მოგება საჭიროა?" - რიბერი რონალდუს

ფრანკ რიბერი სოციალურ ქსელში კრიშტიანუ რონალდუს კომენტარს გამოეხმაურა.

პორტუგალიელმა განაცხადა, რომ ოქროს ბურთს ის ფეხბურთელი უნდა იგებდეს, რომელმაც ჩემპიონთა ლიგა მოიგო.

რონალდუ იამალზე, ოქროს ბურთსა და კარიერის დასრულებაზე

"ესე იგი ჩემპიონთა ლიგის მოგება საჭიროა ოქროს ბურთის მისაღებად?" - წერს ფრანგი ინსტაგრამზე.

საფრანგეთის ნაკრებისა და ბაიერნის ყოფილი ფეხბურთელი ოქროს ბურთის სამეულში 2013 წელს მოხვდა, როცა მიუნხენურმა გუნდმა ტრებლის მოგება შეძლო.

2013 წელს ოქროს ბურთის მფლობელი კრიშტიანუ რონალდუ გახდა, რომელმაც იმ წელს 69 გოლის გატანა შეძლო.