უეფას ერთა ლიგის ფინალში ესპანეთთან მატჩის წინ, პორტუგალიის ნაკრების კაპიტანმა, კრიშტიანუ რონალდუმ პრესკონფერენციაზე ისაუბრა.
იამალი
"ლამინ იამალი ძალიან კარგად თამაშობს, ტალანტს კარგად იყენებს. მას გაზრდა უნდა დავაცადოთ. დიდი წნეხის ქონა არ არის საჭირო, უნდა დავაცადოთ, რომ გაიზარდოს. მას ტალანტი არ აკლია."
ოქროს ბურთი
"ჩემთვის ოქროს ბურთის გამარჯვებული უნდა იყოს მოთამაშე, რომელმაც ჩემპიონთა ლიგა მოიგო, თუმცა ვფიქრობ, რომ ამ ჯილდომ თავისი ღირებულება დაკარგა."
მსოფლიო საკლუბო ჩემპიონატი
"თითქმის გადაწყვეტილია, რომ ფიფას მსოფლიო საკლუბო ჩემპიონატზე მონაწილეობას არ მივიღებ, მიუხედავად ბევრი მოწვევისა და შემოთავაზებისა. იყო საუბარი და კონტაქტი, მაგრამ უნდა ვიფიქრო მოკლე, საშუალო და გრძელვადიან გეგმებზე."
კარიერის დასრულება
"ჩემი მენტალიტეტია, რომ ყოველდღიურად ვიცხოვრო. სათამაშოდ ბევრი წელი არ დამრჩა, თუმცა სიამოვნებას მომენტით ვიღებ. გადაწყვეტილი არ მაქვს, როდის დავასრულებ კარიერას. ახლა თავს ბედნიერად ვგრძნობ და სიამოვნებას ვიღებ, სანამ ასე იქნება, გაგრძელებას ვაპირებ."
პორტუგალიისა და ესპანეთის ფინალური მატჩი 8 ივნისს, 23:00 საათზე დაიწყება.
"მოწვევა არგენტინული კლუბებისგანაც მქონდა" - რონალდუ მესისა და არგენტინაზე
