უეფას ერთა ლიგის ფინალის წინა პრესკონფერენციაზე არგენტინელმა ჟურნალისტმა კრიშტიანუ რონალდუს შეკითხვა დაუსვა.
კითხვა ეხებოდა იმას, რომ საუბარი ყოველთვის იყო კრიშტიანუსა და მესის მეტოქეობაზე, მაგრამ მათ ერთად არასდროს უთამაშიათ. "არ ფიქრობთ, რომ თქვენი ერთ-ერთი გამოწვევა უნდა იყოს, რომ მესისთან ერთად ითამაშოთ და ნახოთ თუ რა შეგრძნებაა ეს და როგორი გამოვა?"
"არგენტინას დიდ პატივს ვცემ, რადგან ჩემი მეუღლე არგენტინელია. მასთან ერთად 9 წელია ვარ და ის ძალიან მიყვარს და ამ ქვეყანასთანაც განსაკუთრებული კავშირი მაქვს.
მსოფლიო საკლუბო ჩემპიონატზე სათამაშოდ მოწვევა არგენტინული კლუბებისგანაც მქონდა, არასდროს იცი რა მოხდება. ახლა უკვე 40 წლის ვარ, მაგრამ ყოველთვის ვამბობ, რომ არასდოს თქვა არასდროს, თუმცა ეს ძალიან რთული იქნება.
არგენტინა მომწონს, იქ არასდროს ვყოფილვარ და წასვლა მინდა, არგენტინელებს ვაფასებ.
მესისთანაც განსაკუთრებული დამოკიდებულება მაქვს. მართალია, რომ წლები მეტოქეები ვიყავით, მაგრამ ინტერვიუებში ვთქვი, რომ ჩვენ ერთ სცენაზე 15 წელი ვიდექით. მახსოვს, რომ ინგლისურად არ საუბრობდა და მე ვუთარგმნიდი.
მას ვაფასებ, რადგან ის ყოველთვის კარგად მექცეოდა და პატივს მცემდა, ისევე როგორც მე ვცემდი პატივს. არ ვიცით რა მოხდება, მაგრამ მასთან ერთად თამაში ნაკლებად შესაძლებელია, რომ მოხდეს." - განაცხადა პორტუგალიელმა.
რონალდუ იამალზე, ოქროს ბურთსა და კარიერის დასრულებაზე
