ევრობასკეტის მფლობელმა ესპანეთმა 2025 წლის ტურნირის დაწყებამდე ოფიციალურად დაასახელა 12-კაციანი შემადგენლობა.
ოფიციალური განცხადება მას შემდეგ გაკეთდა, რაც სერხიო სკარიოლოს გუნდმა მსოფლიო ჩემპიონ გერმანიასთან დრამატული ოვერტაიმის შემდეგ 106-105 წააგო.
შემადგენლობა:
სანტი ალდამა, დარიო ბრისუელა, ხუანჩო ერნანგომესი, ვილი ერნანგომესი, სერხიო დე ლარეა, ჩაბი ლოპეს-აროსტეგი, ჟოელ პარა, ხაიმე პრადილია, ხოსეპ პუერტო, მარიო სენ-სუპერი, იანკუბა სიმა, სანტი იუსტა.
ესპანეთის ნაკრებმა მოსამზადებელ ეტაპზე რთული სერია გაიარა – ექვსი შეხვედრიდან მხოლოდ ერთი მოიგო, გზად მხოლოდ ჩეხეთის დამარცხება შეძლო.
ბოლო ამხანაგურ მატჩს „ლა როხა“ 23 აგვისტოს კვლავ გერმანიასთან ჩაატარებს, სანამ ტურნირი დაიწყება.
ესპანეთი ჯგუფურ ეტაპს ლიმასოლში გამართავს, სადაც C ჯგუფში მოხვდა საბერძნეთთან, იტალიასთან, ბოსნია და ჰერცეგოვინასთან, საქართველოსთან და თანამასპინძელ კვიპროსთან ერთად.
თავის პირველ შეხვედრას მოქმედი ჩემპიონები საქართველოსთან 28 აგვისტოს გამართავენ.
