ესპანურმა პოლიტიკურმა პარტიამ სუმარმა ოფიციალური კანონპროექტი წარადგინა, რომელიც მოითხოვს, რომ ქვეყანამ 2030 წლის მსოფლიო ჩემპიონატის მაროკოსთან ერთად ჩატარებაზე უარი თქვას.
ინიციატივის მთავარი მიზეზი სეუტაში განვითარებული მძიმე მიგრაციული კრიზისი და ადამიანის უფლებების სისტემატური დარღვევებია.
პარტია მთავრობასა და ფეხბურთის ფედერაციას მოუწოდებს, მიმართონ ფიფას, რათა ერთობლივი მასპინძლობის მოდელი მკაცრად შეფასდეს. მათი თქმით, მსგავსი მასშტაბური ტურნირები დემოკრატიულ პრინციპებსა და ადამიანის უფლებების დაცვის სტანდარტებს უნდა აკმაყოფილებდეს.
მსგავსი ინიციატივით პორტუგალიაშიც გამოვიდნენ. პარტია ლივრემ თავის მთავრობას და ფედერაციას მოსთხოვა, რომ მაროკოსთან ერთობლივი ორგანიზება გადაიხედოს, რადგან ქვეყნის ქმედებები მიგრაციულ კრიზისსა და საჰარაველი ხალხის უფლებების დარღვევასთან დაკავშირებით სრულიად მიუღებელია.
