კრიშტიანუ რონალდუს სანაკრებო კარიერის დასრულების შემდეგ, პორტუგალიის ეროვნულმა გუნდმა პირველი მატჩი ჩაატარა და შინ დანიასთან 1:4 განადგურდა. გულშემატკივრებისთვის ჟორჟე ჟეზუშის გუნდის ეს მარცხი მძიმე დარტყმა აღმოჩნდა, თუმცა სრულიად განსხვავებული რეაქცია ჰქონდა ლეგენდარული ფეხბურთელის დედას, დოლორეს ავეირუს.
მან პორტუგალიის მარცხის გამო სიხარული არ დამალა და ეროვნული გუნდი დაუფასებლობაში დაადანაშაულა.
"დანიელებთან წაგება სრულიად დამსახურებული იყო და სიმართლე გითხრათ, გამიხარდა კიდეც. პატივისცემა მისი თანდასწრებით უნდა მომხდარიყო და არა მის არყოფნაში", - განაცხადა ავეირუმ.
მანვე ხაზი გაუსვა, რომ ლისაბონის სპორტინგში რონალდუს ყოველთვის აფასებდნენ, მთავარ მწვრთნელზე კი მკვეთრად უარყოფითი კომენტარი გააკეთა და აღნიშნა, რომ ჟეზუში კრიშტიანუსთვის საერთოდ არ არსებობს.