ესპანეთმა დანიაში მოიგო და ჯგუფის გამარჯვებული გახდა

უეფას ერთა ლიგის მე-5 ტურში, A დივიზიონის მატჩში დანიის ნაკრებმა კოპენჰაგენში ესპანეთი მიიღო.

შეხვედრაში ანგარიში მე-15 წუთზე მიკელ ოიარსაბალმა გახსნა. საგოლე გადაცემა აიოზე პერესმა მიითვალა. ესპანელებმა პირველ ტაიმში 0-1 იმარჯვეს.

58-ე წუთზე გოლი უკვე თავად აიოზე პერესმა გაიტანა, ამჯერად ასისტენტი დანი ოლმო იყო. 84-ე წუთზე გუსტავ ისაქსენის გოლით დანიელებმა სხვაობა შეამცირეს, თუმცა დარჩენილ დროში მატჩის გადარჩენა ვეღარ მოახერხეს და შეხვედრა 1-2 დასრულდა.

ესპანეთის ნაკრებმა დანიაში 3 ქულა მოიპოვა და ჯგუფის პირველი ადგილიც გაინაღდა, შესაბამისად ფურია როხა ერთა ლიგის პლეიოფში ითამაშებს.

ჯგუფის მეორე მატჩი შვეიცარიასა და სერბეთს შორის 1-1 დასრულდა. გოლები მოჰამედ ამდუნიმ და ალექსა ტერციჩმა გაიტანეს.

ბოლო ტურის წინ მეორე ადგილზე დანიაა 7 ქულით, სერბეთი მესამეა 5 ქულით, შვეიცარიას კი 2 ქულა აქვს და ბოლო ადგილზეა.

მე-6 ტურში ესპანეთი შვეიცარიას მიიღებს, დანია კი სერბეთს ესტუმრება.