„გადაგვარჩინე რონალდოს ფანები“ - სპიდის თხოვნა იამალს

IShowSpeed-მა ესპანეთის ნაკრების ვარსკვლავბიჭუნას, ლამინ იამალს სთხოვა, მუნდიალის ფინალში არგენტინა და ლეო მესი დაამარცხოს.

კრიშტიანუ რონალდოს თავგადაკლულ გულშემატკივარს ეშინია, რომ მესის მიერ მეორე მსოფლიო თასის მოგება ყველა დროის საუკეთესოს დებატებს საბოლოოდ დაასრულებს.

პორტუგალიის მერვედფინალიდან გამოვარდნის შემდეგ, სპიდი შიშით ადევნებს თვალს არგენტინის წარმატებას. „თუ მესი მუნდიალს ისევ მოიგებს, რონალდოს ფანებს სათქმელი აღარაფერი დაგვრჩება. გთხოვ, ლამინ, გადაგვარჩინე ამ კატასტროფისგან“, - განაცხადა სტრიმერმა პირდაპირ ეთერში.

19 ივლისის ფინალი ნიუ-ჯერსიში ნამდვილი ეპოქების ბრძოლა იქნება. 39 წლის მესი ტურნირზე 8 გოლითა და 4 ასისტით ბრწყინავს, ხოლო იამალს მიმდინარე ჩემპიონატზე მხოლოდ 1 გოლი და 1 პასი აქვს. მიუხედავად ამისა, სწორედ ბარსელონას ტალანტია ესპანეთის მთავარი იარაღი და რონალდოს ფანების ბოლო იმედი მესის შესაჩერებლად.