რეალის ყოფილი მთავარი მწვრთნელი, ჩაბი ალონსო, დიდი ალბათობით, ესპანური კლუბიდან წასვლის შემდეგ რამდენიმე თვე მწვრთნელობისგან დაისვენებს.
44 წლის ბასკი რეალთან კონტრაქტის გაწყვეტის შემდეგ დროს ოჯახთან ერთად ატარებს. ის არ იმალება, თუმცა ცდილობს, საჯარო ღონისძიებებს თავი აარიდოს.
მოსალოდნელია, რომ ალონსო გუნდის ძებნას ზაფხულისკენ დაიწყებს. მისი აგენტი, ინიაკი იბანიესი პრემიერ ლიგის კლუბებისგან ელოდება განსაკუთრებულ დაინტერესებას.
Marca-ს ინფორმაციით, ერთადერთი კლუბი, რომლის გამოც ალონსო მზადაა, შვებულება ნაადრევად შეწყვიტოს და საქმეში დაუფიქრებლად ჩაერთოს — ლივერპულია, რომელშიც ის რეალში გადასვლამდე თამაშობდა.
ესპანური გამოცემა ხაზს უსვამს, რომ ალონსოს ლივერპული ძალიან უყვარს და ამ კლუბში მუშაობაზე ოცნებობს.
