გრანდების ომი 19 წლის ბრაზილიელისთვის

ლივერპული სალაჰის მემკვიდრედ 100-მილიონიან ტალანტს აკვირდება, თუმცა მანჩესტერ იუნაიტედმა შესაძლოა გეგმები ჩაუშალოს.

რაიანმა იანვრის სატრანსფერო ფანჯრის დროს ბორნმუთში გადასვლის შემდეგ შთამბეჭდავი შთაბეჭდილება დატოვა და ის უკვე ტოპ კლუბების ყურადღების ცენტრშია.

ესპანური წყაროების მიხედვით, მადრიდის რეალი რაიანით დაინტერესებულია და აკვირდება მის პროგრესს თუმცა, მათ კონკურენციას გაუწევენ მანჩესტერ იუნაიტედი და ლივერპული.

19 წლის ბრაზილიელ შემტევს კლუბთან კონტრაქტი 2031 წლამდე აკავშირებს და მის ხელშეკრულებაშია 100 მილიონი ევროს ოდენობის გამოსასყიდი პუნქტი. ნებისმიერი კლუბისთვის რთული იქნება მისი ხელში ჩაგდება უახლოეს მომავალში.

ფეხბურთელი პრემიერ ლიგაში თავიდანვე წარმატებით დამკვიდრდა. ეჭვგარეშეა, რომ მას აქვს პოტენციალი სწორი ხელმძღვანელობის პირობებში ხარისხიან მოთამაშედ ჩამოყალიბებისა. პრემიერ ლიგაში რეგულარული თამაში მას დაეხმარება კიდევ უფრო გაუმჯობესდეს. რაიანმა ლიგაში ამ დროისთვის ორი გოლის გატანა მოახერხა.

საინტერესოა, გადაწყვეტენ თუ არა ისეთი კლუბები, როგორებიცაა მანჩესტერ იუნაიტედი ან ლივერპული, ზაფხულში მისთვის ნაბიჯის გადადგმას. მათ აქვთ რესურსები მის გამოსასყიდად და თავად ფეხბურთელიც შესაძლოა მოხიბლოს მათთან გადასვლის იდეამ.

ბრაზილიელმა უნდა ეძებოს ისეთი კლუბი, სადაც მისთვის სასტარტო შემადგენლობაში განსაზღვრული როლი იქნება.

მანჩესტერ იუნაიტედს მის პოზიციაზე უკვე ჰყავს ბრაიან მბემო. ლივერპულში კი ის შესაძლოა იყოს მოჰამედ სალაჰის იდეალური ჩამნაცვლებელი. მადრიდის რეალსაც შეეძლო ფლანგებზე მისი დამატება. ვნახოთ, სამი კლუბიდან რომელი გადაწყვეტს ზაფხულში საკუთარი ინტერესის ოფიციალურ შეთავაზებად ქცევას.