"გუნდის მზადყოფნაში ეჭვი არ მეპარება" - სანიოლის პრესკონფერენცია

2026 წლის მსოფლიო ჩემპიონატის საკვალიფიკაციო ეტაპზე თურქეთთან გასამართი მატჩის წინ ვილი სანიოლმა პრესკონფერენცია გამართა.

„რა თქმა უნდა, მოსამზადებლად ცოტა დრო გვქონდა, ორი დღე საკმარისი არ არის და ეს პრობლემა ყოველთვის გვაქვს, მაგრამ იგივე პრობლემა აქვს თურქეთს და სხვებს, ამდენად, ეს პრობლემა აღარა და ყველა ერთნაირ სიტუაციაშია.

ევრო 2024-ზე გამართული მატჩი? ყველა შეხვედრას თავისი ისტორია აქვს, ორი განსხვავებული ტურნირია, შესაბამისად, განსხვავებული მატჩებიც. რაც შეეხება ხვიჩას, მას ჰქონდა პატარა პრობლემები, მაგრამ ახლა კარგადაა და მჯერა, რომ ძალიან კარგად ითამაშებს.

გუნდის მოტივაციასა და მზადყოფნაში ეჭვი არ მეპარება, ყველა მოტივირებულია, ახალწვეულების ინტეგრირებაც კარგად მიდის და ყველა მზად არის მატჩისთვის. ვფიქრობ, გუნდი კარგ ფორმაში იქნება.

რომელ თურქ ფეხბურთელს დავიმატებდი? ჰამიტ ალტინტოპს, რადგან შესანიშნავი ადამიანი და კარგი მეგობარია, მინდა, მას მოკითხვა გადავცე“. - თქვა საქართველოს ნაკრების მთავარმა მწვრთნელმა.

საქართველოსა და თურქეთის მატჩი დინამო არენაზე, 4 სექტემბერს 20:00 საათზე გაიმართება.

საქართველოს ნაკრების განაცხადი თურქეთთან და ბულგარეთთან მატჩებისთვის