გვარდიოლა გიუნდოგანის დაბრუნებას მიესალმება

იტალიელი ჟურნალისტის ფაბრიციო რომანოს ინფორმაციით, პეპ გვარდიოლა ილქაი გიუნდოგანის მანჩესტერ სიტიში დაბრუნებას მიესალმება.

პეპს სურს, რომ ნახევარმცველი დაბრუნდეს და მის გარემოცვასთან მოლაპარაკებებიც მიმდინარეობს. პირველი კონტაქტი მხარეებს შორის უკვე შედგა.

გადაწყვეტილება გიუნდოგანზეა, რომელსაც შემოთავაზებები საუდის არაბეთიდან და კატარიდანაც აქვს. ილქაის ბარსელონასთან კონტრაქტი 2026 წლამდე აკავშირებს, თუმცა ბლაუგრანასაც სურს, რომ მოთამაშემ კლუბი დატოვოს.

გერმანელი ფეხბურთელი მანჩესტერ სიტიში 2016-დან 2023 წლამდე თამაშობდა, რა დროშიც პრემიერ ლიგა 5-ჯერ, FA თასი 2-ჯერ, კარაბაო თასი 4-ჯერ, ქომუნითი შილდი 2-ჯერ, ჩემპიონთა ლიგა კი ერთხელ მოიგო.

2023 წელს ილქაი ბარსელონაში გადავიდა, ახლა კი მისი კატალონიური კარიერა დასრულებასთან ახლოსაა.

გიუნდოგანმა სანაკრებო კარიერა დაასრულა