პსჟ-ს მცველი აშრაფ ჰაკიმი გაუპატიურების ბრალდებით სასამართლოს წინაშე წარდგება.
შეგახსენებთ, რომ 2023 წელს მაროკოს ნაკრების ფეხბურთელს ოფიციალური ბრალდება 24 წლის გოგონას გაუპატიურების გამო წარედგინა, რის შემდეგაც ის სასამართლო ზედამხედველობის ქვეშ იმყოფებოდა.
თავად ფეხბურთელი ბრალდებას კატეგორიულად უარყოფს და სოციალურ ქსელში განცხადებას ავრცელებს:
„დღეს მხოლოდ გაუპატიურების ბრალდებაც კი საკმარისია სასამართლო პროცესის დასაწყებად, მიუხედავად იმისა, რომ მე ამას უარვყოფ და ყველა მტკიცებულება მის სიცრუეზე მეტყველებს.
ეს უსამართლობაა როგორც უდანაშაულო ადამიანების, ისე ნამდვილი მსხვერპლების მიმართ. მშვიდად ველოდები სასამართლო პროცესს, რომელიც საშუალებას მოგვცემს, საჯაროდ გამოვავლინოთ სიმართლე“, — დაწერა ჰაკიმიმ.
