ილია სულამანიძე ევროპის ჩემპიონატის ფინალშია

მონტენეგროში მიმდინარე ძიუდოს ევროპის ჩემპიონატის მე-3 დღეს ილია სულამანიძე (-100 კგ) ფინალში გავიდა.

ქართველმა პირველ დაპირისპირებაში ვაზარ-იუკოთი დაამარცხა კუკოლი და 1/4 ფინალში გავიდა, სადაც იტალიელ ჯენარო პირელის იუკოთი სძლია და 1/2 ფინალის საგზური მოიპოვა.

1/2 ფინალში ილიას მეტოქე არმან ადამიანი იყო, რომელსაც ვაზარით აჯობა და ფინალში გავიდა.

ფინალში სულამანიძე აზერბაიჯანელ ზელიმ კოცოევს დაუპირისპირდება, რომელთანაც პარიზის ოლიმპიადის ფინალში დამარცხდა.

ფინალური ბლოკი 18:00 საათზე დაიწყება.

დღეს ასპარეზობას ნაადრევად გამოეთიშნენ სოფიო სომხიშვილი (+78 კგ) და გურამ თუშიშვილი (+100 კგ).

საქართველოს მიმდინარე ევროპის ჩემპიონატზე 3 მედალი აქვს - გიორგი სარდალაშვილი (ოქრო), ეთერ ლიპარტელიანი (ვერცხლი) და ტატო გრიგალაშვილი (ვერცხლი).