ირაოლა ახალ ტრანსფერებს აანონსებს - ვის იყიდის ლივერპული?

ლივერპულის მთავარმა მწვრთნელმა, ანდონი ირაოლამ, სეზონის დაწყების წინ გუნდის სატრანსფერო გეგმებსა და არსებულ გამოწვევებზე ღიად ისაუბრა.

მისი თქმით, ლივერპულის შემადგენლობა ამჟამად „საკმაოდ თხელია“, განსაკუთრებით ისეთი ლიდერების წასვლისა და ტრავმების ფონზე, როგორებიც არიან მოჰამედ სალაჰი, იბრაჰიმა კონატე, კურტის ჯონსი და უგო ეტიკიტე.

მიუხედავად იმისა, რომ ზაფხულში კლუბმა ვიქტორ მუნიოსი, რონალდ არაუხო და ჟაკე დაიმატა, ირაოლა ადასტურებს, რომ სატრანსფერო ფანჯრის დახურვამდე გუნდი ახალ მოთამაშეებს დაიმატებს:

ჩვენ აუცილებლად კიდევ დავიმატებთ რამდენიმე ფეხბურთელს. ზოგიერთ მოლაპარაკებას უბრალოდ ბოლომდე უნდა დაველოდოთ.

ლივერპული შემტევი ხაზისა და ფლანგების გასაძლიერებლად აქტიურად მუშაობს. პარი სენ-ჟერმენის შემტევ ბრედლი ბარკოლასთან დაკავშირებული მოლაპარაკებები კვლავ გრძელდება, თუმცა ფრანგული მხარის მოთხოვნილი 145 მილიონი სერიოზული ბარიერია.

ირაოლას გუნდი 2026/27 წლების პრემიერ ლიგის სეზონს 23 აგვისტოს, სენტ ჯეიმს პარკზე, ნიუკასლის წინააღმდეგ გასვლითი მატჩით გახსნის.