პარი სენ-ჟერმენმა ჩემპიონთა ლიგის ფინალში ინტერი გააცამტვერა და ისტორიაში პირველად გახდა ტურნირის გამარჯვებული!
მიუნხენში ალიანც არენაზე გამართული მატჩი ცალკარა გამოვიდა - მოედანზე მხოლოდ ერთი გუნდი იყო გამოსული და დამსახურებულად 5:0 მოიგო.
პირველ ტაიმში პარიზელებმა მეტოქეს ორი გოლი გაუტანეს - თავი ჰაკიმიმ და დუემ გამოიჩინეს. 19 წლის დეზირე დუემ ამ შეხვედრაში დუბლი და საგოლე გადაცემა მიითვალა.
შესვენების შემდეგ კი ლუის ენრიკეს გუნდმა წინსვლა გააგრძელა და ისტორიაც დაწერა - 73-ე წუთზე ისტორიაში პირველი ქართული გოლიც ვიხილეთ ჩემპიონთა ლიგის ფინალში, როცა უსმან დემბელეს პასით ერთი ერთზე გასულმა ხვიჩა კვარაცხელიამ იან ზომერს შანსი არ დაუტოვა.
საბოლოო წერტილი კი ცვლილებაზე შემოსულმა მაიულუმ დასვა.
პსჟ-მ ხვიჩა კვარაცხელიასთან ერთად ისტორია დაწერა და არსებობის მანძილზე პირველად შეძლო მთავარი საკლუბო ევროტურნირის მოგება!
