უიმბლდონის მე-2 წრეში მსოფლიო რეიტინგის ლიდერმა, იანიკ სინერმა დამაჯერებელი გამარჯვება მოიპოვა.
თანამემამულე ლუკა ნარდის დამარცხების შემდეგ, მე-2 წრეში სინერის მეტოქე ავსტრალიელი ალექსანდარ ვუკიჩი იყო, რომელიც სინერმა კიდევ უფრო მარტივად, 6:1 6:1 6:3 დაამარცხა და შემდეგ ეტაპზე 1 საათსა და 41 წუთში გავიდა.
შემდეგ ეტაპზე სინერის მეტოქე ესპანელი პედრო მარტინესი იქნება, რომელიც რეიტინგში 52-ე ადგილს იკავებს.
იანიკ სინერმა ამ სეზონის ორივე გრენდ სლემზე ფინალში შეძლო გასვლა - ავსტრალიაში წარმატება იზეიმა, როლან გაროსზე კი კარლოს ალკარასთან ფინალში დამარცხდა.
კონკრეტულად უიმბლდონზე სინერის საუკეთესო შედეგი ამ დრომდე ნახევარფინალია, რომელშიც ის 2023 წელს გავიდა.
