"ჯერ ასე იქცევი და მერე ბოდიშს იხდი, ეს ფეხბურთი არ არის", - ნიუკასლის ფორვარდი არსენალის მცველზე

ნიუკასლის ფორვარდმა ნიკ ვოლტემადემ დაიჩივლა, რომ არსენალთან მატჩში გაბრიელ მაგალაეშმა მას იდაყვი მოარტყა სახეში.

გერმანელმა ფეხბურთელმა ანგარიში 34-ე წუთზე გახსნა, თუმცა თამაში არსენალმა ბოლო 10 წუთში ორი გოლის გატანით მოიგო. გამარჯვების გოლი სწორედ გაბრიელმა შეაგდო.

„გოლის შემდეგ სახეში იდაყვის მოხვედრა ვიგრძენი. არბიტრს ვუთხარი, რომ ზუსტად არ ვიცი, მაგრამ რაღაც ნამდვილად ვიგრძენი.

მგონია რომ ეს არასწორია, მაგრამ არ ვარ იმ ტიპის ფეხბურთელი, ვინც ამისგან მინდორზე დაეცემა. ზოგჯერ შეიძლება ასეც სჯობს მოქცევა, მაგრამ ეს ჩემი სტილის ფეხბურთი არ არის. მოგვიანებით მან მომიბოდიშა."

გერმანელმა გაბრიელს ხელი არც ეპიზოდის შემდეგ ჩამოართვა და არც თამაშის დასრულების.

„ასეთი რაღაც არ მომწონს. თუ თამაშის დროს ასე იქცევი, რამდენიმე წამში კი ბოდიშს იხდი, ეს ფეხბურთის ნაწილი არ არის. მე სამართლიანი ბრძოლა მომწონს, მაგრამ მისი იდაყვი ჩემს სახესთან არ უნდა აღმოჩნდეს." - აღნიშნა ვოლტემადემ.