VIDEO: არსენალის იდეალური სვლა გრძელდება - ბაიერნი ლონდონში დამარცხდა

უეფას ჩემპიონთა ლიგის მე-5 ტურის ცენტრალურ მატჩში არსენალმა ემირეითსზე ბაიერნი მიიღო.

შეხვედრაში ანგარიში მასპინძლებმა გახსნეს და ეს კვლავ სტანდარტიდან მოახერხეს. 22-ე წუთზე ბუკაიო საკას კუთხურიდან ჩაწოდების შემდეგ თავური გოლი იურიენ ტიმბერმა მიითვალა.

32-ე წუთზე იოზუა კიმიხის ბრწყინვალე პასის შემდეგ სერჟ გნაბრიმ ლენარტ კარლს საგოლე გადაცემა გაუკეთა და ანგარიში გათანაბრდა, პირველი ტაიმი 1-1 დასრულდა.

69-ე წუთზე ლონდონელები რიკარდო კალაფიორის საჯარიმოში პასის შემდეგ ნონი მადუეკემ გაიყვანა წინ, 76-ე წუთზე კი მანუელ ნოიერის შეცდომით გაბრიელ მარტინელიმ ისარგებლა და არსენალს 3 ქულა გაუფორმა.

ბრაზილიელი შემტევის ანგარიშზე ლიგის მიმდინარე ფაზაში 4 გოლი და 1 საგოლე გადაცემაა.

5 ტურის შემდეგ არსენალი ერთადერთი გუნდი რჩება, რომელმაც ლიგის ფაზაში ხუთივე მატჩი მოიგო და ცხრილს 15 ქულით ერთპიროვნულად უდგას სათავეში.

22' ტიმბერი 1-0

32' კარლი 1-1

69' მადუეკე 2-1

77' მარტინელი 3-1