ჯოკოვიჩი სეზონს ბრისბენში დაიწყებს - იქ, სადაც 15 წელია არ უთამაშია

ნოვაკ ჯოკოვიჩი 2025 წლის საჩოგბურთო სეზონს ბრისბენში დაიწყებს.

250-იანი ტურნირი სეზონის დასაწყისში, ავსტრალიის ღია პირველობის დაწყებამდე ორი კვირით ადრე გაიმართება.

ტურნირის საიტმა ოფიციალურად დაადასტურა, რომ ნოვაკი მე-11 ავსტრალიის ღია პირველობის მოგებისთვის მზადებას სწორედ ბრისბენში გაივლის.

ამ ტურნირზე სერბს მხოლოდ ერთხელ, შორეულ 2009 წელს აქვს ნათამაშები, სადაც ის პირველივე წრეში ერნესტ გულბისთან დამარცხდა.