კაი ჰავერცისთვის სეზონი დასრულებულია

არსენალის ერთ-ერთი წამყვანი შემტევი ამ სეზონში ვეღარ ითამაშებს.

The Athletic-ის ჟურნალისტის, დევიდ ორშტეინის ინფორმაციით, ფეხბურთელმა ვარჯიშზე ბარძაყის კუნთი გაიწყვიტა და უახლოეს პერიოდში ოპერაციის ჩატარება მოუწევს.

ძალიან მცირეა იმის შანსი, რომ ფეხბურთელმა ამ სეზონში მომჯობინება მოასწროს.

ახლა გერმანიის ნაკრების შემტევის მთავარი მიზანია, ოპერაციის შემდეგ სარეაბილიტაციო პროცესს შეუდგეს და 2025/26 სეზონისთვის მწყობრში მოვიდეს.