ოთარ კაკაბაძის კომენტარი ხვალინდელი მატჩის წინ.
„ხვალინდელ თამაშს ძალიან ველოდებით. გუნდში ყველას გაცნობიერებული აქვს, რა შეიძლება გავაკეთოთ ქვეყნისთვის. მაღალი განწყობა გვაქვს, ყველა მოტივირებულები ვართ.
ბევრჯერ დაგვიმტკიცებია, რომ დიდი თამაშების მოგება შეგვიძლია. მაკედონიასთან მატჩში რაღაც დაგვაკლდა, მაგრამ ახლა ყველაფერი გვაქვს, რომ მოვიგოთ. დიდი იმედი მაქვს, იგივე მხარდაჭერა გვექნება.
მაკედონიასთან ფინალში გულშემატკივარი და კვარა დაგვაკლდა. ყველამ ვიცით, რამხელა ძალაა ორივე და ამაზე ლაპარაკი არ ღირს. ნაკრებში დიდი ხანია ვთამაშობ და დღევანდელი შემადგენლობა ერთ-ერთი საუკთესოა." - აღნიშნა ქართველმა ფეხბურთელმა.
