სპაერმა და გორის დილამ ევროტურნირებზე ასპარეზობა ერთდროულად დაასრულეს

სპაერისა და გორის დილას ევროსეზონი დასრულებულია. 

ავსტრია ვენასთან საპასუხო შეხვედრა სპაერმა 0:5 წააგო, ორი მატჩის ჯამში 0:7 დამარცხდა და კონფერენს ლიგაზე ასპარეზობა პირველივე ეტაპზე დაასრულა. 

ამავე ეტაპზე გამოეთიშა ასპარეზს კიდევ ერთი ქართული გუნდი - გორის დილა, რომლის მეტოქეც ლატვიური რიგა იყო.

პირველი მატჩი რიგელებმა საკუთარ მოედანზე 2:1 მოიგეს, დღეს საპასუხო შეხვედრა კი ფრედ 3:3 დასრულდა.

გორელები მატჩს 3-ჯერ იგებდნენ, თუმცა სამივეჯერ რიგამ ანგარიშის გათანაბრება მოახერხა. მესამე გოლი გუნდმა 90+6 წუთზე გაიტანა, როცა თითქოს დამატებითი დრო გარდაუვალი იყო.