კანის ლომების გამარჯვებული გუნდები ცნობილია

კანის ახალგაზრდული ფესტივალის დაჯილდოების ღონისძიებაზე თითოეული კატეგორიის მედალოსანი გუნდები გამოვლინდნენ.

ოქროსმედალოსნები ივნისში საქართველოს სახელით გლობალურ ასპარეზზე საფრანგეთის ქალაქ კანში წარსდგებიან.

კანის ლომების საერთაშორისო კრეატიული ფესტივალი არის წლის უმნიშვნელოვანესი მოვლენა მსოფლიო მარკეტერებისა და კრეატორების სამყაროში.

საერთაშორისო ფესტივალს, რომელიც უკვე 70 წელზე მეტია ტარდება, საქართველო 2015 წლიდან შეუერთდა და ყოველ წელს სულ უფრო მეტი ახალგაზრდას ყურადღებას იპყრობს.