ცხადაძემ გაბალა აზერბაიჯანის პრემიერ ლიგაში დააბრუნა

აზერბაიჯანის პირველი ლიგის (რანგით მეორე დივიზიონი) მე-20 ტურში გაბალამ, რომელსაც კახა ცხადაძე წვრთნის, ბაქოს სპორტინგი 0-5 დაამარცხა.

ამ გამარჯვებით გაბალამ სეზონის დასრულებამდე 7 ტურით ადრე აზერბაიჯანის პრემიერ ლიგის საგზური გაინაღდა და მომავალი სეზონიდან უმაღლეს დივიზიონში დაბრუნდება.

ცხადაძის გუნდი ამ სეზონში ჩემპიონატში დაუმარცხებელია - 16 მოგება და 4 ფრე. ასევე აღსანიშნავია, რომ გუნდმა 20 მატჩში 41 გოლი გაიტანა და მხოლოდ 4 გაუშვა.

ქართველ სპეციალისტს აზერბაიჯანულ კლუბთან კონტრაქტი 2027 წლამდე აკავშირებს.