კარგად ნაცნობი ფინალი ოლიმპიადაზე

პარიზის ოლიმპიურ თამაშებზე ჩოგბურთში ყველასთვის კარგად ნაცნობი ფინალი მივიღეთ.

გადამწყვეტ შეხვედრაში ერთმანეთს კარლოს ალკარასი და ნოვაკ ჯოკოვიჩი დაუპირისპირდებიან. 

ალკარასმა თავის ნახევარფინალში კანადელი ოჟე-ალიასიმი 6:1 6:1 გაანადგურა, ჯოკოვიჩმა კი იტალიელი ლორენცო მუსეტი 6:4 6:2 დაამარცხა.

მე-3 ადგილის შეხვედრაში დღეს, 3 აგვისტოს, ოჟე-ალიასიმი და მუსეტი დაუპირისპირდებიან ერთმანეთს, ფინალი კი ხვალ, 4 აგვისტოს გაიმართება.

შეგახსენებთ, რომ ჯოკოვიჩი და ალკარასი ერთმანეთს უიმბლდონის ფინალში რამდენიმე კვირის წინ დაუპირისპირდნენ და მაშინ გამარჯვება ესპანელს 3 სეტში დარჩა.

მთლიანობაში ურთიერთშეხვედრებს რაც შეეხება - ეს ჩოგბურთელებს შორის მეშვიდე დაპირისპირება იქნება - აქამდე ჩატარებულებიდან 3 ნოვაკმა მოიგო და 3 კარლოსმა.