კომპანი: ,,არის თუ არა ნოიერი ყველა დროის საუკეთესო მეკარე?"

უეფას ჩემპიონთა ლიგის 1/4 ფინალის პირველი მატჩის შემდეგ, მიუნხენის ბაიერნის მთავარმა მწვრთნელმა, ვინსენ კომპანიმ მადრიდის რეალთან მოგებული შეხვედრა შეაფასა.

,,გასახდელში ყველა ძალიან, ძალიან მშვიდად იყო. ჩვენ მოვიგეთ, მაგრამ შემდეგ ეტაპზე გასასვლელად ისევ უნდა მოვიგოთ. ბერნაბეუზე მოგება განსაკუთრებულია. თუ ამას შეძლებ, ეს ნიშნავს, რომ ბევრის მიღწევა შეგიძლია. თუმცა, ორთაბრძოლა ჯერ არ დასრულებულა.

გქონდათ შეგრძნება, რომ თამაში მუდმივად ძალიან დაძაბული იყო. ყველაფერი შეიძლებოდა ნებისმიერ მხარეს გადახრილიყო. ჩვენ გვეგონა, რომ უფრო მეტი და უკეთესი შანსები გვქონდა.

იმედი მაქვს, თუ მომავალ კვირას ისევ მივიღებთ ასეთ შანსებს, უფრო მეტ გოლს გავიტანთ ალიანც არენაზე. აქ ორი გოლის გატანა კარგი შედეგია და ამას დავჯერდებით.

ბელგიელმა სპეციალისტმა მანუელ ნოიერის თამაშზეც ისაუბრა:

„გვჭირდებოდა ძლიერი დაცვითი ფაზები. და მანუმ წარმოუდგენელი ბურთები მოიგერია. ადრეც მითქვამს: 40 წელი ჯერ კიდევ ახალგაზრდობაა. ამ შაბათ-კვირას მეც 40-ის გავხდები და ვიცი, რომ ეს ჯერ კიდევ ახალგაზრდობაა.

დღეს ასეთი მომენტები ძალიან გვჭირდებოდა მისგან. ამ დონეზე წარმატება შეუძლებელია ასეთი მომენტების გარეშე მეკარისგან, მცველისგან, თავდამსხმელისგან... და მომავალ კვირასაც დაგვჭირდება.

არის თუ არა მანუელ ნოიერი ყველა დროის საუკეთესო მეკარე? ახლა პრობლემაში ჩამაგდებთ ისეთი ბიჭების წინაშე, როგორიც ტიბო კურტუაა, რომელიც ძალიან მომწონს.

ნახეთ, ყველას თავისი არჩევანი შეიძლება ჰქონდეს, მაგრამ მანუ ერთ-ერთია იმ მცირეთაგან. ის ამას ძალიან, ძალიან დიდი ხანია აკეთებს. ბევრი მეკარე ვერ ახერხებს ასეთ ასაკში ასეთ დონეზე თამაშს.“

VIDEO: ბაიერნმა ბერნაბეუზე მოიგო და მიუნხენში უპირატესობით ბრუნდება