კრიტიკული ჩრდილოეთ ლონდონური დერბი: ტუდორის დებიუტი და განერვიულებული არსენალი

ჩრდილოეთ ლონდონური დერბი ყოველთვის განსაკუთრებული მოვლენაა, თუმცა დღევანდელ დაპირისპირებას ორივე გუნდისთვის კრიტიკული მნიშვნელობა აქვს.

ტოტენჰემი გადარჩენისთვის იბრძვის, არსენალი კი — საჩემპიონო რბოლაში ლიდერობის შენარჩუნებისთვის.

ტოტენჰემი — არსენალი

კვირა, 22 თებერვალი, 20:30 ▪️ ტოტენჰემ ჰოტსპურ სტედიუმი ▪️ მთავარი არბიტრი: პიტერ ბენქსი

ტოტენჰემი: გადარჩენის ინსტინქტი და ახალი იმედი

ტოტენჰემი ამ მატჩს უმძიმეს მდგომარეობაში ხვდება. გუნდს პრემიერ ლიგაში უკვე 8 მატჩია არ მოუგია და 2026 წელს ჯერ კიდევ გამარჯვების გარეშეა. 24 შესაძლოდან მხოლოდ 4 ქულა — ეს არის მაჩვენებელი, რომელმაც „დეზები“ გავარდნის ზონასთან სახიფათოდ მიაახლოვა.

თუმცა, გუნდს ახალი იმედი აქვს — იგორ ტუდორი. ხორვატი სპეციალისტი, რომელმაც თომას ფრანკი შეცვალა, სადებიუტო შეხვედრას სწორედ დერბიში ჩაატარებს. აღსანიშნავია, რომ ტუდორი თავის ყველა წინა კლუბში სადებიუტო მატჩს იგებდა. მასპინძელთა მთავარი პრობლემა საკადრო დანაკლისია: ტრავმირებულებთან ერთად, გუნდს დისკვალიფიკაციის გამო კრისტიან რომეროც ვერ დაეხმარება.

არსენალი: ჩემპიონობის წყურვილი და ნერვების ომი

არსენალი ჩემპიონატის ლიდერია, მაგრამ მიკელ არტეტას გუნდში ნერვიულობა იგრძნობა. ვულვერჰემპტონთან ფრე (2:2), სადაც „მეთოფეებმა“ ორბურთიანი უპირატესობა გაანიავეს, საჩემპიონო ამბიციებს მძიმე დარტყმად დააწვა. მანჩესტერ სიტი სულ უფრო ახლოსაა და შეცდომის უფლება აღარ არსებობს.

არსენალის მხარეს სტატისტიკაა: გუნდს ტოტენჰემთან ზედიზედ 7 მატჩია არ წაუგია (6 მოგება) და მეტოქის მოედანზე ზედიზედ სამი გამარჯვება აქვს მოპოვებული.

სავარაუდო შემადგენლობები:

ტოტენჰემი: ვიკარიო — გრეი, დრაგუშინი, ვან დე ვენი, სპენსი — გალაჰერი, პალინია, სარი — კოლო მუანი, სოლანკე, სიმონსი.

არსენალი: რაია — ტიმბერი, სალიბა, გაბრიელი, ინკაპიე — ოდეგორი, სუბიმენდი, რაისი — საკა, გიოკერეში, მარტინელი.

პიტერ ბენქსი

ამ სეზონში ინგლისელმა არბიტრმა პრემიერ ლიგის 18 მატჩში იმუშავა, რომელშიც 73 ყვითელი,  და 3 წითელი უჩვენა ფეხბურთელებს (2 პირდაპირი). 

არსენალის მატჩებზე ბენქსს კარიერაში 13-ჯერ აქვს ნამსაჯი (9 მოგება, 1 ფრე, 3 მარცხი), თუმცა ამ გუნდის ფეხბურთელი მოედნიდან არასდროს არ გაუძევებია.

რაც შეეხება ტოტენჰემს — 16 მატჩი, 7 მოგება, 4 ფრე, 5 მარცხი (0 წითელი ბარათი).