ლეგენდარულ მსაჯს, ჰერბ დინს, კარიერაში უმძიმესი პერიოდი აქვს.
ალექს პერეირასა და UFC-ის ფანების მწვავე კრიტიკის შემდეგ, ათლეტურმა კომისიამ მისი დაცვა იკისრა. UFC 329-ზე დინს მთავარი ბრძოლების გაძღოლა ჩამოართვეს და იგი ნაკლებად მნიშვნელოვან წყვილებზე გადაანაწილეს, რათა ზედმეტი წნეხი აეცილებინათ.
MMA-ის კიდევ ერთმა ლეგენდარულმა მსაჯმა, ბიგ ჯონ მაკკარტიმ განმარტა, რომ ეს იყო კომისიის მცდელობა, დახმარებოდნენ დინს ფორმის აღდგენაში.
მაკკარტის თქმით, ჰერბ დინი შეცდომებს აღიარებს, საკუთარ სტილს გადასინჯავს და ცდილობს, რინგზე მოვლენების მსვლელობაში უფრო მკაცრად ჩაერიოს.
