ლაპორტა: „ალვარესი? არავის დაკრულზე ცეკვას არ ვაპირებთ"

ბარსელონას პრეზიდენტმა, ჟოან ლაპორტამ, ხულიან ალვარესის ტრანსფერზე ისაუბრა.

ლაპორტამ განაცხადა, რომ კლუბის მიერ მადრიდის ატლეტიკოს ფორვარდის, ხულიან ალვარესის ტრანსფერზე გაკეთებულ შეთავაზებას კონკრეტული ვადა აქვს.

მანამდე არგენტინელმა ფეხბურთელმა გუნდიდან წასვლის სურვილი საჯაროდ გამოთქვა, რის შემდეგაც მადრიდულმა კლუბმა ბარსელონას წინააღმდეგ ფიფასა და ესპანეთის ფეხბურთის ფედერაციაში საჩივარი შეიტანა.

„სხვის დაკრულზე ცეკვას ვაპირებთ. აქ რითმს ჩვენ თვითონ ვკარნახობთ. შეთავაზება გავაკეთეთ, თუმცა ის უვადო არ არის. ვნახოთ, კიდევ რამდენ ხანს იქნება ძალაში. გამოვხატეთ სურვილი იმ ფეხბურთელის გაფორმების, რომელიც მწვრთნელმა და სპორტულმა გაგნყოფილებამ გვთხოვეს. ის ძალიან მოგვწონს და ვფიქრობ, შესანიშნავი მოთამაშეა.

მიმაჩნია, რომ ატლეტიკოსთან საუცხოო ურთიერთობა გვაქვს. ჩვენი შეთავაზების გამო გარკვეული გაუგებრობა წარმოიქმნა, თუმცა მათ ყველაფერი ავუხსენი. არანაირი ზეწოლა არ მოგვიხდენია.

უბრალოდ ვუთხარი, რომ მას შემდეგ, რაც ისინი ალტერნატივას იპოვიდნენ, ჩვენი წინადადება ძალაში იქნებოდა. ამ ეტაპზე პროცესი ამაზე შორს არ წასულა“, - განაცხადა ლაპორტამ.