მადრიდში Laureus-ის ყოველწლიური სპორტული დაჯილდოების ცერემონია გაიმართა და სხვადასხვა ნომინაციაში საუკეთესოები დასახელდნენ.
წლის კაცი სპორტსმენის ნომინაციაზე წარდგენილი იყვნენ - კარლოს ალკარასი (ჩოგბურთი), მონდო დუპლანტისი (მძლეოსნობა), ლეონ მარშანი (ცურვა), ტადეი პოგაჩარი (ველორბოლა) და მაქს ვერსტაპენი (მოტორბოლა).
ამ ნომინაციაში კი გამარჯვებული ჭოკით მხტომელი მონდო დუპლანტისი გახდა, რომელმაც პარიზის ოლიმპიადაზე ოქროს მედალი მოიპოვა და მსოფლიო რეკორდი დაამყარა.
წლის ქალი სპორტსმენის ჯილდოსთვის იბრძოდნენ სიმონ ბაილსი (ტანვარჯიში), აიტანა ბონმატი (ფეხბურთი), სიფან ჰასანი (მძლეოსნობა), ფაიტ კიპიეგონი (მძლეოსნობა), სიდნი მაკლაფლინ-ლევრონი (მძლეოსნობა) და არინა საბალენკა (ჩოგბურთი).
ამ ნომინაციაში კარიერაში მეოთხედ გამარჯვებული გახდა ასევე პარიზის ოლიმპიადის ტრიუმფატორი სიმონ ბაილსი, რომელსაც ოლიმპიურ თამაშებზე 11 მედალი დაუგროვდა.
სხვა ნომინაციებში პრიზები ასე განაწილდა:
წლის გუნდი - ბოსტონ სელტიკსი (კალათბურთი), ბარსელონას ქალთა გუნდი (ფეხბურთი), მაკლარენი (ფორმულა 1), რეალის კაცთა გუნდი (ფეხბურთი), ესპანეთის კაცთა ნაკრები (ფეხბურთი), აშშ-ს კაცთა ნაკრები (კალათბურთი)
წლის აღმოჩენა - ჟულიენ ალფრედი (მძლეოსნობა), ლევერკუზენის კაცთა გუნდი (ფეხბურთი), სამერ მაკინტოში (ცურვა), ლეცილე ტებოგო (მძლეოსნობა), ვიქტორ ვემბანიამა (კალათბურთი), ლამინ იამალი (ფეხბურთი)
ასევე Laureus-ის სპეციალური ჯილდო Sporting Icon Award ლეგენდარულმა რაფა ნადალმა დაიმსახურა.
