საფრანგეთის ნაკრების ყოფილი მცველის, ფრანკ ლებეფის აზრით, კილიან მბაპე ევრო 2024-ს ნახევარფინალში სასტარტოში არ უნდა მოხვდეს.
ჯგუფური ეტაპის პირველი ტურის მატჩში კილიან მბაპემ ავსტრიასთან ცხვირი გაიტეხა, რის გამოც ჯერ ნიდერლანდებთან მატჩი გამოტოვა, ყველა შემდგომი შეხვედრა კი ნიღბით ჩაატარა და მხოლოდ ერთი გოლის გატანა შეძლო - პოლონეთთან პენალტის.
„თუ ინდივიდუალურ პერფომანსს გადავხედავთ, მე მგონია, რომ კილიან მბაპეს შემთხვევაში რეალური პრობლემა გვაქვს. თუ ტრავმირებული ხარ და მხოლოდ 50%-ით შეგიძლია თავის წარმოჩენა, მაშინ სჯობს საერთოდ არ ითამაშო.
მე მგონია, რომ ეს არც საფრანგეთს წაადგება და არც თავად მბაპეს, რადგან მას აკრიტიკებენ, რომ ის თავის საუკეთესო დონეზე ვერ თამაშობს.
50%-იანი მბაპეს სასტარტოში დაყენების აზრს ვერ ვხედავ. ვფიქრობ, მას ბრედლი ბარკოლა აჯობებდა." - აღნიშნა ლებეფმა.
