ლესტერმა მწვრთნელი გაათავისუფლა

ლესტერის ოფიციალური გვერდის განცხადებით, კლუბმა სტივ კუპერთან თანამშრომლობა შეწყვიტა და ის გუნდის მთავარი მწვრთნელის პოზიციას ტოვებს.

კუპერთან ერთად გუნდს მისი ასისტენტები ალან ტეიტი და სტივ რენდსიც ტოვებენ, რომელთაც კლუბი გაწეული სამსახურისთვის მადლობას უხდის. ლესტერის დროებითი თავკაცი ბენ დოუსონი იქნება, კლუბმა კი ახალი მწვრთნელის ძიება დაიწყო.

სტივ კუპერი ლესტერის თავკაცად გასულ ზაფხულს დაინიშნა, როცა გუნდი პრემიერ ლიგაში დაბრუნდა. მან ამ პოზიციაზე ენცო მარესკა ჩაანაცვლა.

პრემიერ ლიგაში ჩატარებული 12 მატჩის შემდეგ გუნდს 10 ქულა აქვს და სატურნირო ცხრილში მე-16 ადგილზე იმყოფება და გასავარდნ ზონასთან ახლოსაა.