ლევერკუზენმა ზედიზედ მე-11 მატჩი მოიგო

ბუნდესლიგის მე-17 ტურში გერმანიის მოქმედმა ჩემპიონმა ლევერკუზენმა მაინცს მოუგო.

შეხვედრა ბაი არენაზე გაიმართა და მასპინძელთა გამარჯვებით 1:0 დასრულდა.

მატჩის ერთადერთი გოლი ალეხანდრო გრიმალდომ 48-ე წუთზე გაიტანა და ჩაბი ალონსოს გუნდისთვის ეს მოსაგებად საკმარისი აღმოჩნდა.

ბოხუმთან ნოემბრის დასაწყისში ნათამაშები ფრის შემდეგ, ლევერკუზენმა ყველა ტურნირის ჩათვლით ზედიზედ მე-11 გამარჯვება მოიპოვა.

ფარმაცევტებმა 38 ქულა დააგროვეს და ცხრილში მე-2 ადგილს იკავებენ, მაინცი კი 28 ქულით მე-5 პოზიციაზეა.