ლიგა 1-ს სიმბოლურ თერთმეტეულში პსჟ-ს შვიდი ფეხბურთელი მოხვდა

ფრანგული ლიგა 1-ს 23/24 სეზონის სიმბოლურ თერთმეტეულში პარი სენ ჟერმენის შვიდი ფეხბურთელი მოხვდა.

პროფესიონალი ფეხბურთელების ეროვნულმა კავშირმა (UNFP) თითქმის დასრულებული საფრანგეთის ჩემპიონატის საუკეთესო 11 მოთამაშე აირჩია.

სიმბოლური გუნდი ასე გამოიყურება:

ჯანლუიჯი დონარუმა (პსჟ), აშრაფ ჰაკიმი (პსჟ), მარკინიოსი (პსჟ), ლენი იორო (ლილი), ბრადლე ლოკო (ბრესტი), ვიტინია (პსჟ), უორენ ზაირ ემერი (პსჟ), პიერ ლე-მელუ (ბრესტი), უსმან დემბელე (პსჟ), კილიან მბაპე (პსჟ), პიერ ემერიკ ობამეიანგი (მარსელი).

ისტორიაში მესამედ მოხდა, რომ პსჟ-ს ერთბაშად შვიდი ფეხბურთელი მოხვდა სიმბოლურ ნაკრებში - ასეთი შემთხვევები აქამდე მხოლოდ 2013 და 2018 წლებში იყო დაფიქსირებული.

რეკორდი კი 2016-ში შედგა, როცა სიმბოლურ ნაკრებში 11-დან 8 პარი სენ ჟერმენის ფეხბურთელი იყო.