ლიონის მოულოდნელი მარცხი ევროპა ლიგაზე - მიქაუტაძემ 15 წუთი ითამაშა

ევროპა ლიგის საერთო ფაზის მე-3 ტურში გიორგი მიქაუტაძის ლიონი საკუთარ მოედანზე თურქულ ბეშიქთაშთან დამარცხდა.

საფრანგეთში გამართული მატჩი სტუმრების გამარჯვებით 0:1 დასრულდა.

24-ე წუთზე ალექსანდრ ლაკაზეტის გოლი თამაშგარე მდგომაროების გამო გაუქმდა, გამარჯვების გოლის გატანა კი ბეშიქთაშმა 71-ე წუთზე, გერსონ ფერნანდეშის ავტორობით შეძლო და მატჩში გამარჯვებაც მოიპოვა.

გიორგი მიქაუტაძემ მატჩი თადარიგში დაიწყო და მოედანზე 79-ე წუთზე, რაიან ჩერკის ნაცვლად ჩაერთო, თუმცა მიღებულ დროში თავისი გუნდი მარცხისგან ვერ იხსნა.

საქართველოს ნაკრების ფორვარდი მშობლიურ ლიონში სადებიუტო გოლის მოლოდინში რჩება...

3 ტურის შემდეგ ლიონი 6 ქულით მე-10 პოზიციაზე ჩამოქვეითდა, ბეშიქთაშმა კი ორი მარცხის შემდეგ პირველი ქულები მოიპოვა და 27-ე პოზიციაზე გადაინაცვლა.