მარესკამ დაადასტურა - პალმერი არსენალთან მატჩისთვის მზადაა

ენცო მარესკა ადასტურებს, რომ კოულ პალმერი კვირას არსენალთან მატჩისთვის ხელმისაწვდომი იქნება.

"დიახ, ყველა ბედნიერია, მისი თანაგუნდელები და ჩვენ ყველანი ბედნიერები ვართ და ყველაზე მნიშვნელოვანია, რომ თავად კოულია ბედნიერი, რადგან ფეხბურთელს უნდა, რომ ითამაშოს და ყოველდღე ივარჯიშოს.

ის ჩვენი საუკეთესო ფეხბურთელია და ბედნიერები ვართ, რომ დაბრუნდა. საჭიროა დრო, რათა 100 პროცენტით ფორმაში იყოს. მან შესანიშნავად ითამაშა წარსულში და ეჭვი არ გვეპარება, რომ ძალიან კარგად გააკეთებს საქმეს ამ კლუბისთვის მომავალშიც." - განაცხადა იტალიელმა სპეციალისტმა.

ჩელსის ინგლისელმა შემტევმა ფეხის ტრავმა სექტემბერში მიიღო და მას შემდეგ არ უთამაშია.

ლონდონური დერბი ჩელსისა და არსენალს შორის 30 ნოემბერს, 20:30 საათზე დაიწყება.