„მარტივი რომ იყოს, ყველა გააკეთებდა", - მბაპეს გულახდილი აღიარება

კილიან მბაპეს მიაჩნია, რომ ფეხბურთში გოლების გატანა ყველაზე რთული რამ არის.

- გოლების გატანა ხელოვნებაა?

- ეს არ არის უბრალოდ ხელოვნება. ვფიქრობ, ეს არის ცხოვრების წესი, ყოველდღიურობაში ფეხბურთის აღქმის ფორმა, აკვიატებული სწრაფვა გოლების გატანისკენ. ყველა მოთამაშე, რომელმაც ბევრი ბურთი გაიტანა, გოლს სწორედ ასე ეპყრობოდა. მათ იციან, რომ ეს განსაკუთრებული კავშირია, რადგან ეს არის შეგრძნება, რომელსაც ძალიან კარგად ვიცნობთ და რომლის გამოცდაც ყოველთვის გვსურს. ეს არის სიხარული, თვითრეალიზაციის გრძნობა, რომელიც გინდა, რომ მუდმივად გქონდეს.

- ამის გაკეთება იოლია?

- არა, ასე რომ იყოს, ყველა გაიტანდა. ყველას არ გააქვს გოლები, თუმცა ამაში ცუდი არაფერია. ხალხს ჰგონია, რომ ეს ცუდია. მოედანზე თითოეულს თავისი როლი აქვს. ყველას არ გააქვს გოლები, ყველა არ აკეთებს კარგ პასებს, ყველა არ აპრესინგებს... ჩემთვის გოლების გატანა ყველაზე რთულია, თუმცა ფეხბურთი არცერთ პოზიციაზე არ არის იოლი.

რეალში, რომელიც მსოფლიო ფეხბურთის ელიტას მიეკუთვნება, თითოეული ადამიანი, როგორც მოედანზე, ისე მის ფარგლებს გარეთ, თავისი პროფესიის ელიტაშია. ეს არ არის იოლი, - განაცხადა თავდამსხმელმა.