ერთა ლიგის A ლიგის პირველ მატჩში ხვალ საფრანგეთის ნაკრები პარკ დე პრენსზე იტალიას უმასპინძლებს.
ცნობისთვის, პარკ დე პრენსზე თამაშობს დღეისთვის საუკეთესო ფრანგული კლუბი პარი სენ-ჟერმენი, რომელიც გასულ ზაფხულს კილიან მბაპემ უფასოდ დატოვა და მადრიდის რეალში გადაბარგდა. სულ ახლახანს, მან პარიზელების წინააღმდეგ სასამართლოში სარჩელიც შეიტანა. მისი თქმით, კლუბს მისთვის აპრილის შემდეგ ივნისის ჩათვლით ხელფასი არ გადაუხდია.
„როგორ მიმიღებს პარკ დე პრენსი ხვალინდელ მატჩში? არაფერს არ ველოდები და არც მადარდებს. ყველაზე მნიშვნელოვანი ხვალ გამარჯვების მოპოვება იქნება.
რეალში საქმეები იდეალურად მიმდის. უკვე ტიტულიც მოვიგეთ, ნელ-ნელა ახალ თანაგუნდელებს ვეწყობი და ამიერიდან მხოლოდ უკეთესობა იქნება." - აღნიშნა მბაპემ.
