მიქაუტაძე და ორბანი - საქმეში თურქული და გერმანული კლუბები არიან

თურქი სპორტული ჟურნალისტი, იაღიზ საბუნჩუოღლუ საინტერესო ცნობას ავრცელებს.

მისი თქმით, გალათასარაიმ ლიონის მოთამაშეების, გიორგი მიქაუტაძისა და გიფტ ორბანის შესახებ ინფორმაცია მოითხოვა.

როგორც დაიწერა, მოლაპარაკებები ორივე მოთამაშესთან და კლუბთან უკვე დაწყებულია. გალათასარაის სურს, რომ ამ ორი მოთამაშიდან ერთ-ერთი შემადგენლობაში დაიმატოს.

ესპანური Relevo-ს ჟურნალისტის, მატეო მორეტოს ცნობით კი, გიფტ ორბანის დამატებასთან ახლოს ჰოფენჰაიმია და მასთან მოლაპარაკებები უკვე აქტიურ ფაზაშია. მიუხედავად თურქეთიდან ინტერესისა, ჰოფენჰაიმსა და ლიონს შორის შეთანხმებაც ახლოსაა.