VIDEO: ქოჩორაშვილი ლევანტედან ჩემპიონის რანგში გააცილეს

ესპანეთის ლა ლიგა 2-ის ბოლო ტურში ლა ლიგაში აღზევებულმა ლევანტემ ეიბარი 1-0 დაამარცხა და სეგუნდა დივიზიონის ჩემპიონი გახდა.

თამაშში 85-ე წუთზე ჩაერთო გიორგი ქოჩორაშვილი, რომელმაც ვალენსიურ კლუბში ბოლო მატჩი ჩაატარა და ლევანტეს ჩემპიონის რანგში დაემშვიდობა.

მატჩის შემდეგ საჩემპიონო აღნიშვნისას ქართველმა ნახევარმცველმა გულშემატკივრებს მიმართა და სამადლობელი სიტყვა თქვა, ვალენსიელები კი მას ოვაციებით შეეგებნენ და გულმხურვალედ გააცილეს.

გიორგი ქოჩორაშვილი კარიერას ლისაბონის სპორტინგში გააგრძელებს და მომავალ სეზონში ჩემპიონთა ლიგაზე ითამაშებს.

"ყველას ძალიან დიდ მადლობას გიხდით. თქვენ გარეშე ეს ყველაფერი შეუძლებელი იქნებოდა. ეს დამშვიდობება არ არის, კიდევ შევხვდებით." - უთხრა ქოჩორამ გულშემატკივრებს.