მკაცრი სასჯელი - ბილბაოს ატლეტიკს სატრანსფერო ბანი დაედო

ატლეტიკ ბილბაო ფიფასგან მოულოდნელი და მკაცრი სანქციებით დაისაჯა, რის შედეგადაც ბასკური კლუბი ხანგრძლივი სატრანსფერო ბანის წინაშე დადგა.

ჟურნალისტ აიტორ მარტინეს იბარეჩეს ინფორმაციით, დაკისრებული სასჯელი განსაკუთრებით მკაცრია და ბილბაოს შესაძლოა ახალ მოთამაშეთა რეგისტრაცია სამი სატრანსფერო ფანჯრის განმავლობაში აეკრძალოს.

თუ ეს გადაწყვეტილება ძალაში საბოლოოდ შევა, კლუბი ძირითადი გუნდისთვის ახალი ფეხბურთელების დამატებას 2027 წლის ზაფხულამდე ვერ შეძლებს.

ამ ეტაპზე ფიფას გადაწყვეტილების ზუსტი საფუძველი უცნობია და სანქციებთან დაკავშირებით ოფიციალური განმარტება ჯერ არ გავრცელებულა.