მორიგი სიახლე მსოფლიო ჩემპიონატზე - ყველა ტაიმში თამაში სამი წუთით გაჩერდება

აშშ-ში, კანადასა და მექსიკაში გასამართ მსოფლიო ჩემპიონატზე ფიფა მორიგ სიახლეს დანერგავს.

როგორც გამოცემა The Athletic იუწყება, ყოველი ტაიმის შუაში გუნდები 3 წუთით წყლის დასალევად გაჩერდებიან. 

ამ ინიციატივას მხარი ყველამ დაუჭირა, მათ შორის ფიფას სამედიცინო სამსახურმაც. ორგანიზაციის თქმით, აღნიშნული სიახლე განხორციელდება ამინდისგან განურჩევლად, რათა ყველა გუნდი თანაბარ პირობებშში იყოს.

ამ სამი წუთის განმავლობაში სათამაშო დრო გაგრძელდება, თუმცა თითოეულ ტაიმს მინიმუმ სამი წუთი ყოველთვის დაემატება.

შეგახსენებთ, რომ მოახლოვებულ მსოფლიო ჩემპიონატზე VAR-ი სახეშეცვლილი მოგვევლინება. კერძოდ, უფრო მეტ ეპიზოდში ექნება ჩარევის უფლება, მათ შორის - არასწორად დანიშნულ კუთხურებში და მეორე ყვითელი ბარათის განხილვაშიც.