დეშამი: "ერთ-ერთი ურთულესი ჯგუფი შეგვხვდა, თუ ყველაზე რთული არა"

დიდიე დეშამმა მსოფლიო ჩემპიონატის წილისყრის შედეგები შეაფასა.

საფრანგეთის ნაკრები სენეგალთან, ნორვეგიასთან და კონტინენტთაშორისი პლეი-ოფის მეორე გზის გამარჯვებულთან (ბოლივია/სურინამი/ერაყი) მოხვდა ჯგუფში.

„რთული, კონკურენტუნარიანი ჯგუფი გვაქვს. მესამე მეტოქე არ ვიცით, თუმცა სენეგალთან და ნორვეგიასთან ერთად ჯგუფი I ერთ-ერთი ურთულესია, თუ ყველაზე რთული არა.

ეს მსოფლიო ჩემპიონატია და ვიცით, რასაც ველოდოთ. დღეს გარკვეული პასუხები მივიღეთ. სამიდან ორი მეტოქის ვინაობა, მატჩების თარიღები გავიგეთ - გასარკვევია ადგილი, თუმცა ვიცით დაახლოებით რეგიონი, სადაც ვითამაშებთ.

სენეგალთან ძმური ურთიერთობა გვაქვს, იმიტომ რომ იქ ბევრი ორმაგი მოქალაქეობის მქონე ფეხბურთელია, რომელიც ფრანგულ კლუბებში თამაშობს. მათთვის საფრანგეთის წინააღმდეგ თამაში დამატებითი მოტივაციაა. ამას მივეჩვიეთ, რადგან ბევრი სენეგალელი ტოპ კლუბში თამაშობს. მათი ნაკრები ძალიან კონკურენტუნარიანია.

არ ვაპირებთ არაფრის თქმას ნორვეგიასა და მის მიერ ჩატარებულ შესარჩევზე. აშკარაა, რომ ჰალანდთან და სორლოტთან ერთად, ეს გუნდი ევროპაში ერთ-ერთი საუკეთესოა." - აღიშნა დეშამმა.