ნეიმარი ისევ სკანდალის ცენტრშია.
სანტოსის ვარსკვლავი ამჯერად არა მხოლოდ ფლუმინენსესთან მარცხის (3-2), არამედ მოედანზე გაკეთებული ჟესტის გამო გააკრიტიკეს. 34 წლის ფეხბურთელმა გასახდელისკენ მიმავალმა ყურებზე ხელები აიფარა, რამაც გულშემატკივრების მრისხანება გამოიწვია.
ნეიმარი სანტოსის ფანებს დაუპირისპირდა
„მსოფლიო ცდება, ნეიმარი მართალია“
მიუხედავად იმისა, რომ ნეიმარმა ინსტაგრამზე პოსტი გამოაქვეყნა და განმარტა, რომ უბრალოდ ყურს შეეხო, ბრაზილიელი ვეტერანი ზე ელიასი მისმა არგუმენტებმა ვერ დაარწმუნა. ელიასმა ნეიმარი მკაცრად გააკრიტიკა და მის საქციელს ბავშვური უწოდა.
აქ სულელები არავინ ვართ, ყველამ დავინახეთ, რაც მოხდა. ეს კიდევ ერთი დასტურია იმისა, რომ მას 15-16 წლის ბიჭის მენტალიტეტი აქვს. ნეიმარს არ ესმის, ვინ არის და რას წარმოადგენს. მისთვის ყოველთვის სხვაა დამნაშავე, თავად კი მუდმივად მსხვერპლის როლშია
დაძაბულობა პიკს აღწევს
ეს ინციდენტი მხოლოდ რამდენიმე დღეში მოხდა მას შემდეგ, რაც ნეიმარი სანტოსის ფანებს სამხრეთ ამერიკის თასზე დეპორტივო რეკოლეტასთან მატჩის შემდეგ დაუპირისპირდა. ფეხბურთელი ამბობს, რომ კრიტიკას იღებს, თუმცა პერსონალურ თავდასხმებს არ შეეგუება.
სანტოსი ამჟამად სტაბილურობას ეძებს და წინ დატვირთული გრაფიკი ელის: ოთხშაბათს კორიტიბასთან თასის მატჩი, შაბათს ბაიასთან დაპირისპირება ბრაზილიერაოში, 28 აპრილს კი სან ლორენსოსთან შეხვედრა.
