ნოემბრის პირველ მატჩში საქართველო ოლ ბლექს XV-თან დამარცხდა

ნოემბრის ტესტების პირველ მატჩში საქართველოს რაგბის ეროვნული ნაკრები ოლ ბლექს XV-ს დაუპირისპირდა. თამაში საფრანგეთის ქალაქ მონპელიეში გამართა.

შეხვედრაში ქართველები დაწინაურდნენ. ლელო ვანო კარკაძემ დადო, რომელიც წარმატებით ლუკა მატკავამ გარდასახა, თუმცა ბორჯღალოსნებმა უპირატესობის შენარჩუნება ვერ მოახერხეს და პირველი ტაიმი 13-19 დათმეს. ჩვენი მხრიდან დამატებით ორი ჯარიმა ზუსტად მატკავამ შეასრულა.

მეორე ტაიმში ოლ ბლექსმა გადამწყვეტი უპირატესობა მოიპოვა და მატჩი მათი გამარჯვებით 13-31 დასრულდა.

ნოემბრის ტესტების დარჩენილ მატჩებში საქართველო იტალიასა და ტონგას დაუპირისპირდება. ბორჯღალოსნები იტალიას გენუაში, 17 ნოემბერს ესტუმრებიან. 24 ნოემბერს კი თბილისში, მიხეილ მესხის სახელობის სტადიონზე ტონგას ვუმასპინძლებთ.