ბაიერნმა და ლეონ გორეცკამ კარგი და ღია საუბრის შემდეგ ერთობლივად მიიღეს გადაწყვეტილება, რომ ფეხბურთელის კონტრაქტი, რომელიც ზაფხულში იწურება, არ გაგრძელდეს.
"გერმანიის ნაკრების ფეხბურთელი მიუნხენში 2018 წლიდან ასპარეზობს და რვა წლის განმავლობაში მნიშვნელოვან წარმატებებსა და შთამბეჭდავ თამაშს აჩვენებდა. 30 წლის გორეცკა მიმდინარე სეზონში ყველაფერს გააკეთებს, რათა გუნდთან ერთად კიდევ მოიგოს ტიტულები." - წერია კლუბის განცხადებაში.
„ლეონი ამ კლუბსა და გუნდში თავს ძალიან კომფორტულად გრძნობს. მიუხედავად მაღალი დონის რამდენიმე შეთავაზებისა, მან გადაწყვიტა აქ სეზონის ბოლომდე დარჩენილიყო.
ღია და კონსტრუქციული საუბრის შემდეგ ერთად მივედით დასკვნამდე, რომ ზაფხულში ის ახალ გამოწვევას მოძებნის. ძლიერმა პიროვნებამ და ფეხბურთელმა ბაიერნში რვა უაღრესად წარმატებული წელი გაატარა.
ლეონი ზაფხულამდე ყველაფერს გაიღებს, რათა გუნდთან ერთად რაც შეიძლება მეტი ტიტული მოიგოს.“ - განაცხადა ბაიერნის სპორტულმა დირექტორმა, კრისტოფ ფროინდმა.
გავრცელებული ინფორმაციით, გორეცკას გადაბირება მიმდინარე სატრანსფერო ფანჯარაზე მადრიდის ატლეტიკოს სურდა, თუმცა გერმანელი ნახევარმცველი სეზონის ბოლომდე ბაიერნში დარჩება.
