პარამოფარიკავეთა ქართული დუბლი სან პაულოს მსოფლიო თასზე

ბრაზილიის ქალაქ სან პაულოში პარაფარიკაობის მსოფლიო თასი იმართება, რომლის პირველ დღესაც მონაწილეობა სამმა ქართველმა მიიღო და სამივე მათგანმა მედალი მოიპოვა.

B კატეგორიაში ოქროს მედალი მოიპოვა ირმა ხეცურიანმა, რომელმაც ასპარეზობა 1/4 ფინალიდან დაიწყო. მან ამ ეტაპზე ფრანგი მარგო ფურმონი 15-3 დაამარცხა.

1/2 ფინალში ხეცურიანი იტალიელ ანა ჯულია მარკოვსკას შეხვდა და 15-5 სძლია, ფინალში კი ქართველმა ბრაზილიის წარმომადგენელ ანასტასი კასციუჩკოვას მოუგო 15-12 და მსოფლიო თასის გამარჯვებული გახდა.

ორმა ქართველმა იასპარეზა A კატეგორიაში და ორივე მათგანი ფინალში გავიდა. გვანცა ზადიშვილმა გამოსვლა 1/8 ფინალიდან დაიწყო და ტაილანდელი არირატ საისინი 15-2 დაამარცხა. 

1/4 ფინალში გვანცამ უნგრელ ანა ნადასდის მოუგო 15-7, 1/2 ფინალში კი ტაილანდელ ტიტი პენგპრასიტიპონგს სძლია 15-10.

ბადის მეორე მხარეს 1/4 ფინალში ჩაერთო ნინო თიბილაშვილი, რომელმაც კოლუმბიელი იულიეტ ლონდონო მორა გაანადგურა 15-1, 1/2 ფინალში კი მან ბრაზილიელ რაისა ვერასს მოუგო 15-8.

ფინალში ორი ქართველის დაპირისპირებაში ნინო თიბილაშვილმა გვანცა ზადიშვილი 15-8 დაამარცხა, შესაბამისად ნინომ ოქროს მედალი, გვანცამ კი ვერცხლის მედალი მოიპოვა.

სან პაულოში კი ქართული დუბლი ვიხილეთ და ერთ დღეს 2 ოქროს და 1 ვერცხლის მედალი მოვიპოვეთ.