ესპანური AS ლუის ენრიკესა და პარი სენ-ჟერმენთან დაკავშირებით სტატიას აქვეყნებს.
დოჰა - ქალაქი, სადაც ლუის ენრიკესთვის ესპანეთის ეროვნული ნაკრების მთავარი მწვრთნელის კარიერა დასრულდა - ასტურიელი სპეციალისტისთვის მსოფლიო ფეხბურთის მწვერვალზე ასვლის წერტილად იქცა.
ფილიპე ლუისის ფლამენგოს წინააღმდეგ მოგებული საკონტინენტთაშორისო თასი სრულყოფს მართლაც გამორჩეულ 2025 წელს. გასულ ივლისში მარესკას ჩელსიმ ხელი შეუშალა პსჟ-ს ყველაფრის მოგებაში - ეს იყო პარიზული გუნდის სეზონის ერთადერთი შავი ლაქა. ამ წარმატების მთავარი ავტორი კი, რა თქმა უნდა, ლუის ენრიკეა.
ლუის ენრიკემ პსჟ-ში იპოვა იდეალური გარემო საკუთარი საფეხბურთო ფილოსოფიის განსახორციელებლად. საკუთარ მიდგომაში დარწმუნებულმა, უპირველეს ყოვლისა, ფეხბურთელებში ჩანერგა შრომის მნიშვნელობის რწმენა - ღირებულება, რომელიც ყველასთვის ბუნებრივი არ არის და ამას ყველაფერში კლუბის სრული მხარდაჭერა ახლდა.
მის მიერ მოგებული ტიტულები ამ ფორმულის საუკეთესო მტკიცებულებაა. მბაპეს რეალში გადასვლის შემდეგ მან იპოვა ის ბალანსი, რომელიც წინა სეზონში აკლდა. ამაზე შედეგები თავისთავად ლაპარაკობს.
პსჟ-სა და ლუის ენრიკეს შორის კავშირი იმდენად მტკიცეა, რომ პარიზში, უფრო სწორად, დოჰაში უკვე ფიქრობენ მწვრთნელთან პრაქტიკულად უვადო კონტრაქტზე, მიუხედავად იმისა, რომ მოქმედ ხელშეკრულებას კიდევ ერთი წელი რჩება.
პსჟ დარწმუნებულია, რომ იდეალური მწვრთნელი იპოვა და ამიტომ არ სურს მის მომავალთან დაკავშირებით რაიმე ეჭვი დატოვოს. ეს პარტნიორობა გრძელვადიანად მოჩანს.
წინ ორი გამოწვევაა: ახალი კონტრაქტის უზრუნველყოფა და იმის მიღწევა, რომ პარიზში ყველა ფეხბურთელმა უწყვეტი წარმატების სულისკვეთება გაიზიაროს.
ლუის ენრიკემ მრავალი ტიტული მოიგო, თუმცა პარიზში არსებული თავისუფლება მას საშუალებას აძლევდა, დაესვა სკამზე ყველა ვარსკვლავი, ვინც კი პსჟ-ში შეხვდა.
ზოგიერთმა გამოწვევას უპასუხა, მაგალითად, დემბელემ, ფეხბურთელმა, რომელმაც ოქროს ბურთი და The Best ფეხბურთელის ჯილდო მოიგო, ეს კი დიდწილად სწორედ ასტურიელი მწვრთნელის წყალობით.
ბარკოლამ და კვარაცხელიამ უკვე იციან, რომ მხოლოდ მაშინ სირბილი, როცა ეს მათ აწყობთ, უშედეგოა. მათ სკამის სიმწარე გამოსცადეს და კარგად იციან, რა ელით.
ამ ყველაფერმა შექმნა იდეალური ატმოსფერო, გარემო, რომლის შენარჩუნებაც პსჟ-ს სურს. მიმდინარე კონტრაქტის დარჩენილი წელიწადნახევარი კლუბში არასაკმარისად მიიჩნევა, ყოველ შემთხვევაში, ასე ამბობენ.
